Va Ukrainie spynili sprobu dać chabar Cimašenku za admovu ad vybaraŭ
Va Ukrainie zatrymali dvaich čałaviek pry sprobie pieradać Cimašenku bolš za $180 tysiač. Praŭda, havorka idzie nie pra adnaho z favarytaŭ vybaraŭ Juliju Cimašenka, a pra jaje ciozku pa proźvišču — Juryja Cimašenku. Sam palityk raniej paskardziŭsia ŭ prakuraturu na cisk.
Pra heta paviedamiŭ hienprakuror Ukrainy Juryj Łucenka na svajoj staroncy ŭ Facebook.
Juryj Cimašenka ličycca techničnym kandydatam. Va ŭkrainskaj palitycy heta raspaŭsiudžanaja źjava, kali na vybarach rehistrujucca małaviadomyja kandydaty-ciozki bolš viadomych kandydataŭ, kab niekatoryja vybarcy pamyłkova za ich prahałasavali i tym samym adabrali b patrebnyja hałasy ŭ kandydataŭ-favarytaŭ. Patencyjna Juryj Cimašenka na vybarach moh by adabrać hałasy ŭ Julii Cimašenka, jakaja ličycca adnoj z favarytak na majučych adbycca vybarach.