U Bierlinie tysiačy ludziej vyjšli na marš suprać reformy ES pa ŭzmacnieńni aŭtarskaha prava ŭ internecie
Kala 3000 čałaviek, aburanych mierami ES pa ŭzmacnieńni zakanadaŭstva ab aŭtarskim pravie ŭ Siecivie, vyjšli na vulicy Bierlina 2 sakavika. Pra heta piša «Jeŭrapiejskaja praŭda» sa spasyłkaj na DPA.
Pa źviestkach palicyi, pratestavali 300 čałaviek.
Pratestoŭcy vykazali sumnievy adnosna artykuła, jaki abaviazvaje ŭsie anłajn-płatformy (YouTube, Facebook i inšyja) sačyć, kab karystalniki pry zahruzcy kantentu nie parušali ničyje pravy.
Krytyki aścierahajucca, što heta moža prymusić sacyjalnyja płatformy ŭvieści aŭtamatyčnyja filtry zahruzak, što budzie praźmierna błakavać kantent.
Jeŭrapiejskaja Kamisija śćviardžaje, što zakon pavinien być źmienieny, kab, u pryvatnaści, abaranić pravy artystaŭ u internecie.
Papiarednie ŭchvaleny ŭ Bruseli prajekt reformy jašče pavinny pryniać i Rada ES, i Jeŭraparłamient.
