Łukašenka anansavaŭ naradu ź siłavym błokam krainy
Alaksandr Łukašenka siońnia, prymajučy z dakładam hienieralnaha prakurora Alaksandra Kaniuka, daručyŭ jamu padklučycca da padrychtoŭki narady ź siłavym błokam krainy.
Čakajecca, što na naradzie buduć padviedzienyja vyniki pracy ŭ 2018 hodzie, a taksama razhledžany šerah pytańniaŭ, jakija patrabujuć uvahi na ŭzroŭni kiraŭnika dziaržavy.
Čakajecca, što na naradzie buduć padviedzieny vyniki pracy ŭ 2018 hodzie, a taksama šerah pytańniaŭ, jakija patrabujuć uvahi na ŭzroŭni kiraŭnika dziaržavy. «Jak i ŭ minułym hodzie, ja daručyŭ kiraŭniku Administracyi. Treba i vam padklučycca budzie, i Radzie biaśpieki, — padrychtavać naradu pa vynikach minułaha hoda ŭsiaho siłavoha błoka. Pry hetym ja paprašu zasiarodzicca nie na dakładach ab našych vialikich dasiahnieńniach (jany taksama jość, jany viadomy), a na tych pytańniach, nad jakimi nam treba budzie pracavać», — skazaŭ jon.
«Vyniki — dva słovy. I prablemy, jakija my siońnia bačym, kab my ich abhavaryli i prymali rašeńnie kalehijalna. A nie tak, jak u milicyi tam chto-niebudź što-niebudź skaža, i pajšoŭ šum. Potym jašče chtości niešta skaža … Treba, kab była niejkaja adzinaja kancepcyja ŭ nas. U tym liku pa vynikach, pačynajučy ad armii i zakančvajučy Śledčym kamitetam», — paznačyŭ kiraŭnik dziaržavy tematyku mierapryjemstvy.
Niepasredna hienprakurora Alaksandr Łukašenka paprasiŭ koratka dałažyć ab pytańniach, jakija tyčacca prezidenta, patrabujuć uzhadnieńnia.
Uličvajučy, što Alaksandr Kaniuk taksama ŭznačalvaje naziralnuju radu Biełaruskaj fiederacyi łyžnych honak, kiraŭnik dziaržavy pacikaviŭsia situacyjaj i ŭ hetaj śfiery.
