Brytanski «Boinh» vypadkova pieravysiŭ chutkaść huku
Pasažyrski samalot brytanskaj avijakampanii Virgin Atlantic, jaki vykonvaŭ rejs Łos-Andželes — Łondan, pieravysiŭ chutkaść huku dziakujučy mahutnamu pavietranamu patoku.
@PaulKPIX
Znachodziačysia na vyšyni 11 km nad pavierchniaj ziamli ŭ rajonie Piensilvanii, Boeing 787-9 Dreamliner trapiŭ u vyšynnaje patokavaje ciačeńnie (zona mocnaha vietru ŭ vierchniaj trapaśfiery). U vyniku jon raźviŭ chutkaść 1285 km/h (chutkaść huku na vyšyni 11 km składaje 1.062 km/h).
Piłot pavietranaha sudna z 25-hadovym stažam Piter Džejms prakamientavaŭ u tvitary.
«Amal 800 mil u hadzinu [bolš za 1280 km/h, chutkaść samalota], nikoli nie bačyŭ takoha spadarožnaha vietru ŭ svaim žyćci! (200 mil u hadzinu — chutkaść spadarožnaha vietru) [bolš za 320 km/h]», — napisaŭ jon.
Pa dadzienych vydańnia, raźvitaja chutkaść pieravysiła zvyčajnuju chutkaść łajniera bolš čym na 380 km/h. Tym nie mienš The Washington Post adznačaje, što niahledziačy na toje, što samalot pieravysiŭ chutkaść huku, jaho ŭłasnaja chutkaść była nie hetak vysokaja — jon pryziamliŭsia ŭ aeraporcie prybyćcia usiaho na 48 chvilin raniej.
