Rasijskim vajskoŭcam zabaranili mieć smartfony i vieści sacsietki
Dziaržduma Rasii pryniała ŭ trecim, kančatkovym čytańni zakonaprajekt, jaki zabaraniaje vajskoŭcam mieć smartfony i kantaktavać z žurnalistami, paviedamlajecca na sajcie nižniaj pałaty parłamienta.
Zhodna z dakumientam, havorka idzie nie tolki pra smartfony, ale i pra inšyja hadžety, u «jakich mohuć zachoŭvacca abo jakija dazvalajuć z vykarystańniem infarmacyjna-telekamunikacyjnaj sietki «Internet» raspaŭsiudžvać abo pradstaŭlać aŭdyjo-, fota-, videamateryjały i dadzienyja hieałakacyi».
Abmiažoŭvajecca prava vajennasłužačych na karystańnie sacsietak. Da prykładu, im nielha budzie vykładvać u internet lubuju infarmacyju, jakaja moža pakazać na ich miescaznachodžańnie i prynaležnaść da Uzbrojenych sił, a taksama ab ciapierašnich i byłych kalehach, členach ich siemjaŭ.
Pryčynaj dla pryniaćcia zabarony aŭtary zakonaprajekta nazyvajuć asablivuju cikavaść da rasijskich vajskoŭcaŭ z boku śpiecsłužbaŭ «asobnych dziaržaŭ, terarystyčnych i ekstremisckich arhanizacyj».
