Łukašenka likvidavaŭ Infarmacyjna-analityčny centr pry Administracyi prezidenta
Uznačaliŭ BISD Aleh Makaraŭ
18 lutaha apublikavany ŭkaz Alaksandra Łukašenki ab stvareńni Biełaruskaha instytuta stratehičnych daśledavańniaŭ (BISD). Ale zhodna z ukazam likvidujecca Infarmacyjna-analityčny centr pry Administracyi prezidenta.
BISD maje zadačy, padobnyja da tych, što ŭ 2006 hodzie stavilisia pierad IAC: analiz stanu mižnarodnych adnosinaŭ i hieapalityčnych źmienaŭ, analiz unutrypalityčnych pracesaŭ i padrychtoŭka rekamiendacyj pa ŭnutranaj palitycy, manitorynh ŚMI i praviadzieńnie sacyjałahičnych daśledavańniaŭ i hetak dalej.
Taksama va ŭkazie zahadana Administracyi prezidenta stvaryć kamisiju i zabiaśpiečyć u dvuchmiesiačny termin likvidacyju IAC i pieradaču raniej zamacavanaj za im majomaści BISD. Uradu zabiaśpiečyć finansavańnie dziejnaści BISD u 2019 hodzie i nastupnyja hady z ulikam jaho štatnaj kolkaści i ŭskładzienych ukazam funkcyj.
Majomaść i pamiaškańni IAC pierachodziać da BISD.
Dva punkty ŭkaza ab BISD zasakrečanyja: «dla słužbovaha karystańnia».