Palot ludziej na Mars admianili
pixabay.com
Kampanija Mars One Ventures, kamiercyjnaje padraździaleńnie pryvatnaha prajekta Mars One pa stvareńni pastajannaj kałonii na Marsie, abvieščana bankrutam. Pra heta paviedamlaje vydańnie Engadget.
Zhodna z rašeńniem hramadzianskaha suda horada Bazela (Šviejcaryja), Mars One Ventures była pryznana finansava niepłaciežazdolnaj 15 studzienia 2019 hoda. Pa słovach Basa Łansdorpa, adnaho z kiraŭnikoŭ prajekta, choć niekamiercyjnaje padraździaleńnie Mars One Foundation aficyjna praciahvaje pracavać, adsutnaść inviestycyj robić vykanańnie pastaŭlenych zadač niemahčymym. Łansdorp admoviŭsia davać padrabiaznyja kamientary Engadget, adnak zajaviŭ, što zajmajecca pošukam vyrašeńnia prablemy.
Mars One składajecca z dvuch padraździaleńniaŭ — kamiercyjnaha Mars One Ventures u Šviejcaryi, jakoje maje prava na televizijnaje viaščańnie, i niekamiercyjnaha Mars One Foundation, jakoje bazujecca ŭ Niderłandach i kiruje ŭsim prajektam. Čakałasia, što prajekt budzie atrymlivać finansavańnie za košt pakazu realici-šou pra kałanistaŭ na Marsie. U ramkach prajekta byŭ ažyćcioŭleny adbor kandydataŭ u kałanisty z sotniaŭ tysiač dobraachvotnikaŭ pa ŭsim śviecie i źniaty dakumientalny film pra ich.
Ad inšych padobnych prajektaŭ Mars One adroźnivaje toje, što, zhodna z płanam, kałanisty nie pavinny byli viartacca na Ziamlu i zastavalisia žyć na Marsie. Usie raboty pa raspracoŭcy kiravanych kaśmičnych karabloŭ, sistem žyćciezabieśpiačeńnia, žyłych modulaŭ i dastaŭki hruzaŭ pieradavalisia subpadradčykam. Čakałasia, što pieršaja vysadka ludziej na čyrvonuju płanietu adbudziecca ŭ 2027 hodzie.
