Łukašenku zaprasili na inaŭhuracyju novaha impieratara Japonii
Novym impierataram budzie Naruchita
Heta paviedamiŭ žurnalistam 8 lutaha kiraŭnik dypłamatyčnaj misii Japonii ŭ Biełarusi Chiroki Takunaha, piša Radyjo Svaboda.
«Cyrymonija ŭzychodžańnia novaha impieratara na tron pryznačanaja na 22 kastryčnika. U joj praduhledžany ŭdzieł lidaraŭ dziaržaŭ. Siarod zaprošanych i Alaksandr Łukašenka. Kali jon naviedaje Tokia, heta budzie dla nas vialiki honar», — skazaŭ dyplamat.
Pavodle japonskich tradycyjaŭ, hetaja cyrymonija prachodzić u dva etapy. 30 krasavika adbudziecca adračeńnie dziejnaha impieratara ad trona, 1 maja adznačajecca ŭstupleńnie naślednaha prynca na pasad. Ale abiedźvie hetyja cyrymonii pravodziacca tolki z udziełam hramadzianaŭ Japonii.
A voś cyrymonija ŭzychodžańnia na pasad śviatkujecca z udziełam inšaziemcaŭ.
