Kasirka banka ŭ Bierastavicy skrała bolš za 200 tysiač dalaraŭ klijentaŭ
U Bierastavicy rasśledujuć kryminalnuju spravu ŭ dačynieńni da 57-hadovaj kasirki adnaho z bankaŭ rajcentra, jakaja padmanuła klijentaŭ na vielizarnyja hrošy. Tyja prynosili valutu, kab rabić ŭkłady, a kasir, zamiest taho kab pakłaści hrošy na rachunak, zabirała ich sabie, piša BiełTA.
Pravaachoŭniki ŭžo vyśvietlili, što ahulnaja suma skradzienaha pieravysiła 200 tys. dalaraŭ i kala 17 tys. jeŭra, ale jašče praviarajucca fakty źniknieńnia 38 tys. dalaraŭ i bolš čym 2 tys. jeŭra klijentaŭ. U dačynieńni da 58-hadovaj śpiecyjalistki pa apieracyjna-kasavaj pracy zaviedziena ŭžo bolš za 10 kryminalnych spraŭ.
— Krała hrošy klijentaŭ i rasparadžałasia imi pa svaim mierkavańni, — kaža načalnik UUS Hrodzienskaha abłvykankama Vadzim Siniaŭski.
Jana sprabavała ŭciačy, ale svoječasova była zatrymanaja.
