Va Ukrainie narešcie rašyli pierajmienavać Dnieprapiatroŭskuju vobłaść
Viarchoŭnaja Rada Ukrainy padtrymała rašeńnie pierajmienavać Dnieprapiatroŭskuju vobłaść u Sičasłaŭskuju — rašeńnie padtrymali 240 z 355 deputataŭ.
Prapanoŭvałasia raniej nazvać vobłaść Dniaproŭskaja (Dnieprapiatroŭsk ciapier nazyvajecca Dniapro), ale ideju adkinuli. Nazvu «Dniaproŭskaja» taksama prapanoŭvaŭ Parašenka.
Ciapier prajekt nakiravany ŭ Kanstytucyjny sud.
U tłumačalnaj zapiscy da deputackaha zakonaprajekta havorycca, što terytoryja ciapierašniaj Dnieprapiatroŭskaj vobłaści «nieparyŭna źviazana z historyjaj ukrainskaha kazactva i jaho administracyjna-vajennych centraŭ — Sič». «Sičasłaŭ źjaŭlajecca druhoj nieaficyjnaj nazvaj Dniapra, druhi pa rejtynhu simpatyj haradžan», - havorycca ŭ tekście tłumačalnaj zapiski.
Dnieprapiatroŭsk napačatku nazyvaŭsia Jekaciarynasłaŭ, a ŭ 1926 h. byŭ pierajmienavany ŭ honar savieckaha kiraŭnika Ryhora Piatroŭskaha.
