U Breście adkryŭsia druhi ŭ Biełarusi hatel sietki Hilton
Pry kancy studzienia ŭ Breście adkryŭsia hatel Hampton by Hilton, jaki staŭ druhim hatelem sietki Hampton by Hilton u Biełarusi.
Hatel na 120 numaroŭ raźmieščany ŭ dvuch kiłamietrach ad centra Bresta, niepadalok ad vulicy Savieckaj, ažyŭlenaha rajona z mnostvam kramaŭ i restaranaŭ. Hampton by Hilton Brest znachodzicca ŭ niepasrednaj blizkaści ad polskaj miažy — zručna dla dziełavych ludziej i turystaŭ z Polščy. Ad hatela lohka dabracca da słavutaściaŭ Bresta.
Hatel prapanuje haściam elektronnuju rehistracyju zajezdu, biaspłatny Wi-Fi, ličbavy kluč ad numara, pasłuhi kruhłasutkavaha biznes-centra, try abstalavanyja pamiaškańni dla praviadzieńnia narad ahulnaj płoščaj bolš za 300 kv.m. i fitnes-centr. U košt pražyvańnia ŭvachodzić biaspłatny haračy śniadanak i dostup da kruhłasutkavaj zony dla pierakusaŭ.
Hampton by Hilton u Breście źjaŭlajecca častkaj Hilton Honors — prahramy łajalnaści, što dziejničaje ŭ hatelach usich 15 haściničnych brendaŭ Hilton. Pry braniravańni hatela naŭprost na sajcie Hilton.com, praz dadatak Hilton Honors ci praź inšyja aficyjnyja kanały Hilton hości mohuć atrymać dadatkovyja źnižki i harantyi adpaviednaści koštaŭ.
