Ukrainski ahrarny ekspart dasiahnuŭ novaha rekordu
Ukrainski ahrarny ekspart pa vynikach 2018 hoda pieravysiŭ 18,8 młrd dalaraŭ, paviedamlaje Ukrainskaja praŭda.
Pra heta raspaviała namieśnik ministra ahrarnaj palityki i charčavańnia pa pytańniach jeŭrapiejskaj intehracyi Volha Trafimcava.
«Pa vynikach 2018 hoda ahrarny ekspart vyras bolš čym na 880 młn dołaraŭ u paraŭnańni z 2017 hodam i dasiahnuŭ novaha rekordu — 18,8 młrd dalaraŭ. Za hety pieryjad adčuvalna pavialičylisia abjomy ekspartu pradukcyi APK na rynki Azii i ES», — skazała Trafimcava.
Pavodle jaje słoŭ, u minułym hodzie lvinuju dolu ekspartu tradycyjna farmavali zbožžavyja kultury, z dolaj 38,4%, aleju — 23,3% i nasieńnia alejnych kultur — 10,2%.
«Taksama chaču vyłučyć tavary, za košt jakich adbyŭsia rost ekspartu. Havorka idzie pra kukuruzu, pšanicu, nasieńnie rapsu, miasa i subpradukty ptuški, roznyja alei, tytuń i vyraby ź jaho, jajki, kandytarskija vyraby i h.d», — padkreśliła Trafimcava.
Jana dadała, što najbujniejšymi pakupnikami ŭkrainskich ahrarnych i charčovych praduktaŭ u 2018 hodzie stali: Indyja, kudy było ekspartavana pradukcyi APK na bolš za 1,8 młrd dalaraŭ, Kitaj — 1,2 młrd dalaraŭ, Niderłandy — 1,2 młrd dalaraŭ, Ispanija — 1, 04 młrd dalaraŭ i Jehipiet — 888,7 młn dalaraŭ.