U Kalinkavičach znojdzieny zhareły aŭtamabil taksi, a niepadalok — miortvy kiroŭca FOTA
Siońnia ranicaj, a 7.53, u apieratyŭna-dziažurnuju słužbu Kalinkavickaha RAUS pastupiła paviedamleńnie MNS pra toje, što ŭ lasnym masivie ŭ kancy vuł. Lasnoj ŭ Kalinkavičach haryć aŭtamašyna taksi. Na miesca zdareńnia vybyła śledča-apieratyŭnaja hrupa, paviedamiŭ aficyjny pradstaŭnik UUS Homielskaha abłvykankama Vital Prystromaŭ.
Padčas tušeńnia pažaru supracoŭniki milicyi rabili sproby patelefanavać kiroŭcu, adnak toj nie adkazvaŭ. Pačali jaho šukać. Apieratyŭnik rajadździeła milicyi padčas pravierki vioski Hulevičy znajšoŭ cieła kiroŭcy.
Padčas dalejšych apieratyŭna-vyšukovych mierapryjemstvaŭ supracoŭnikami kryminalnaha vyšuku Kalinkavickaha RAUS byŭ vyznačany padazravany — 25-hadovy žychar Kalinkavičaŭ, jaki nidzie nie pracuje, raniej nie sudzimy, ale nieadnarazova pryciahvaŭsia da administracyjnaj adkaznaści.
Na miescy złačynstva pracuje śledča-apieratyŭnaja hrupa.
