Łukašenka: Nas u najbližejšyja hady buduć sprabavać na zub, i treba być hatovymi adkazać na heta
Biełaruś u bližejšyja hady buduć «sprabavać na zub», i treba być hatovymi adkazać na heta, zajaviŭ Alaksandr Łukašenka siońnia ŭ čas pryjomu napiaredadni staroha Novaha hoda, pieradaje BiełTA.
«Hod budzie roznym dla ŭsich: dla kahości lohkim, dla kahości ciažkim. Ale mahu dakładna skazać, što dla našaj krainy, dla našaha naroda nie tolki 2019, ale i 2020 hod budzie niaprostym. Heta nie prostyja hady, tamu što, skažu ščyra, u hetyja dva hady nas buduć vielmi mocna «sprabavać na zub», na pradmiet taho, ci vartyja my, kali kankretyzavać, toj niezaležnaści, pra jakuju my zaŭsiody i ŭsiudy havorym», — adznačyŭ Alaksandr Łukašenka.
«I nam treba być hatovymi adkazać na hetaje pytańnie. Ja absalutna pierakanany, što my znojdziem hodny adkaz, — zajaviŭ jon. — U sporcie hod taksama asablivy, ja pra heta kazaŭ. Tamu hod budzie niaprostym, ale vielmi cikavym, jak niechta z žurnalistaŭ niadaŭna skazaŭ».
