U bajnecie źjaviŭsia sajt z samaj doŭhaj nazvaj — 50 znakaŭ
skrynšot sajta
Jak paviedamlaje kampanija hoster.by, techničny administratar nacyjanalnych damiennych zon.BY /.BIEŁ, u śniežni 2018-ha źjaviŭsia sajt z samym doŭhim damiennym imieniem, ź isnujučych siońnia ŭ Bajnecie.
Rekordnym stała imia refrizherator-holodilnaja-ustanovka-kondicioner.by, jano składajecca ź piacidziesiaci znakaŭ. Na im raźmieščana infarmacyja ab refryžeratarach, chaładzilnych ustanoŭkach i aŭtamabilnych kandycyjanierach. Druhoje miesca, 44 simvała, siarod samych doŭhich damiennych imionaŭ na łacincy zajmaje ritualno-memorialnaya-kompaniya-soligorsk.by.
A samym doŭhim kiryličnym damiennym imieniem u 2018 hodzie stała solihorskij-hosudarstviennyj-kolledž.bieł — u im 39 znakaŭ. Da hetaha samaja doŭhaja nazva była ŭ nieisnujučaha zaraz sajta truby-na-hazovuju-kołonku-i-kotieł-v-hrodno.bieł (45 simvałaŭ), i jano ŭpeŭniena trymała pieršaje miesca ŭvieś 2017 hod.
«U epochu smartfonaŭ usio radziej karystalniki ŭručnuju nabirajuć imiony sajtaŭ u adrasnym radku, — raspaviadaje hienieralny dyrektar hoster.by Siarhiej Pavališaŭ. — Tamu daŭžynia damiennaha imia ciapier nie nastolki krytyčnaja, jak niekalki hadoŭ tamu. Adnak, pamier damiennaha imieni ŭ nacyjanalnaj zonie.BY /.BIEŁ maje techničnyja abmiežavańni: maksimalna dazvolenaja daŭžynia składaje 63 simvały biez uliku damiennaj zony. Tak što biełarusam, jakija prydumlajuć imiony svaich sajtaŭ, jość kudy raści».