U Sołśbiery vajskoŭcy źnimuć dach z chaty Skrypala
Vajskoŭcy demantujuć dach z chaty ŭ Sołśbiery, u jakoj raniej pražyvaŭ były pałkoŭnik HRU Siarhiej Skrypal, a taksama haraža, što znachodzicca kala doma, paviedamlaje hazieta The Telegraph.
Pavodle vydańnia, uładalniki susiednich z domam Skrypala budynkaŭ atrymali paviedamleńnie za podpisam kiraŭnika miascovaha ŭpraŭleńnia achovy zdaroŭja Trejsi Daškievič, u jakim havorycca, što demantaž kanstrukcyj pačniecca ŭ studzieni 2019 hoda i zojmie da čatyroch miesiacaŭ.
Vydalić dachi vyrašana ŭ ramkach apieracyi pa ačystcy budynkaŭ, jakija znachodzilisia pad uździejańniem niervova-paralityčnaha ahienta, jakim u sakaviku 2018 hoda byli atručany Siarhiej Skrypal i jaho dačka Julija. Na dumku ekśpiertaŭ, jad byŭ naniesieny na ručku ŭvachodnych dźviarej doma Skrypala.