Tranzitnyja pasažyry «Biełavija» zmohuć biaspłatna spynicca ŭ Minsku na adny — troje sutak
Z novaha hoda tranzitnyja pasažyry avijakampanii «Biełavija» zmohuć skarystacca pieralotam z prypynkam (stapovieram) u Minsku.
Heta opcyja dazvalaje pasažyram, što padarožničajuć ź pierasadkaj praz Nacyjanalny aeraport «Minsk», spynicca na termin ad 24 da 72 hadzin ŭ Minsku. Mahčymaść dadać Biełaruś u maršrut padarožža tranzitnyja pasažyry mohuć biaspłatna, paviedamlajecca na sajcie avijakampanii.
Stapovier dastupny na adnym z učastkaŭ maršrutu ruchu pry kupli kvitka tudy-zvarotna.
«Kolkaść tranzitnych pasažyraŭ u avijakampanii «Biełavija» pastajanna raście i ŭžo składaje kala 50%. My starajemsia ŭdaskanalvać pasłuhi ŭ adpaviednaści z pažadańniami i patrebam našych klijentaŭ. Novaja opcyja dazvolić pasažyram zrabić svajo padarožža bolš nasyčanym i paznajomicca z našaj krainaj, nie pavialičvajučy pry hetym vydatki na avijapieralot. My spadziajemsia, što mahčymaść naviedać dadatkovuju krainu padčas zapłanavanaha pieralotu budzie zapatrabavanaja tranzitnymi pasažyrami, asabliva ŭličvajučy fakt biaźvizavaha ŭjezdu ŭ Biełaruś dla hramadzian mnohich dziaržaŭ. Zamiežnyja turysty zmohuć raznastaić svajo padarožža znajomstvam ź biełaruskaj stalicaj i słavutaściami Biełarusi», - raspavioŭ hienieralny dyrektar «Biełavii» Anatol Husaraŭ.
