Niazyhar: Łukašenka vyprošvaŭ sustreču ź Mierkiel, kab Hiermanija abaraniła Biełaruś ad Rasii
Rasijski telehram-kanał «Niazyhar» paśla peŭnaha pierapynku znoŭ viarnuŭsia da temy Biełarusi i jaje kiraŭnika Alaksandra Łukašenki.
Anhieła Mierkiel i Alaksandr Łukašenka.
Pryčynaj stała pierapałka miž Alaksandram Łukašenkam i Uładzimiram Pucinym na pasiadžeńni Vyšejšaj Jeŭrazijskaj ekanamičnaj rady u Sankt-Pieciarburzie. Niazhodu Łukašenki z Pucinym kanał nazvaŭ «publičnym vypadam».
«Paśla hetaha ź biełaruskimi pieramoŭščykami nichto nie choča ničoha rašać. Treba pryznać, što na biełaruskim kirunku Rasii nie chapała takoha pieramoŭščyka, jak Dźmitryj Kozak. Nie vypadkova, što Minsk i sam Łukašenka jaho mocna bajacca, bo ŭ Kozaka chvatka buldoha», — adznačaje krynica.
Za dzień da hetaha Kozak nie pryniaŭ u siabie biełaruskuju delehacyju, jakaja chacieła atrymać kampiensacyi za hazavy manieŭr Rasii i źnižak na enierhanośbity.
«Zaŭtra płanujecca, što Miadźviedzieŭ padpiša doŭhačakany dakumient ab uzajemnym pryznańni vizaŭ», — adkazvaje «Niazyhar».
Naprykancy jany adznačyli niadaŭniuju sustreču Alaksandra Łukašenki z pasłom Hiermanii ŭ Biełarusi. «Dajšła infarmacyja, što jon prasiŭ abarony ŭ niamieckaha pasła. Ledźvie nie na kaleniach vyprošvaŭ sustreču ź Mierkiel. Pasoł užo pieradaŭ prośbu ŭ Bierlin», — adznačaje kanał.
«Niazyhar» časta publikuje absalutnaje tryźnieńnie pa biełaruskaj tematycy. Telehram-kanał naležyć hienieralnamu dyrektaru ahienctva TASS Siarhieju Michajłavu.