Adzin z top-mieniedžaraŭ «Biełšyny» źbiŭ naśmierć piešachoda
Pra heta «Viačerniamu Babrujsku» raspavioŭ namieśnik načalnika Babrujskaha RAUS Rustam Chamdamaŭ.
Fota UUS.
Adbyłosia DTZ u piatnicu kala 18.40 niepadalok ad vioski Syčkava.
57-hadovy kiroŭca «Tajoty» ździejśniŭ najezd na 56-hadovaha piešachoda, jaki išoŭ pa nierehulavanym piešachodnym pierachodzie. U vyniku piešachod atrymaŭ cialesnyja paškodžańni (ciažkaja spałučanaja traŭma, ciažkaja adkrytaja čerapna-mazhavaja traŭma, pierałomy ściahna, plača, traŭmatyčny šok). Praz try hadziny jon pamior u špitali.
Na aŭtamabili byli zimovyja šyny. Piešachod śviatłoadbivalnymi elemientami paznačany nie byŭ.
Kiroŭca aŭtamabila Toyota pracuje na pradpryjemstvie «Biełšyna» na kirujučaj pasadzie. Zahinuły piešachod nidzie nie pracavaŭ.
U dačynieńni da kiroŭcy 8 śniežnia raspačali kryminalnuju spravu pa artykule 317 č. 2 («Parušeńnie praviłaŭ darožnaha ruchu abo ekspłuatacyi transpartnych srodkaŭ asobaj, jakaja kiruje transpartnym srodkam, što paciahnuła pa nieaściarožnaści śmierć čałavieka abo naniasieńnie ciažkaha cialesnaha paškodžańnia»).