Łukašenka — niamieckamu pasłu: Vy płot pabudavali i nikoha da jaho nie padpuskajecie. Horš čym u Trampa ź Mieksikaj
My nikoli nie budziem prablemaj dla Jeŭrapiejskaha sajuza, u tym liku i dla Niamieččyny, kaža kiraŭnik krainy.
Pra heta jon zajaviŭ siońnia na sustrečy z pasłom Niamieččyny Pieteram Detmaram, piša BiełTA.
Łukašenka adznačyŭ, što Biełaruś moža pajści nasustrač u peŭnych pytańniach, ale nie va ŭsich.
«Adzinaje chaču skazać, kab Niamieččyna — choć niemcy heta razumiejuć — nikoli nie staviła nas pierad vybaram. Voś amierykancy heta zrazumieli. Razmaŭlaŭ niadaŭna z pamočnikam dziaržsakratara, i jon mnie prosta skazaŭ: «My nie chočam stavić Biełaruś pierad vybaram: vy z Uschodam ci vy z Zachadam». My tam, dzie my jość. Hospadam Boham heta vyznačana, i šturchać nas tudy-siudy nie treba. My zychodziačy z nacyjanalnych intaresaŭ, intaresaŭ našych susiedziaŭ budziem budavać našu mirnuju palityku. My nikoli nie staniem ačahom napružanaści ŭ Jeŭropie», — zajaviŭ jon.
«Nam bolš nijakich vojnaŭ nie treba. Napeŭna, tamu Niamieččyna imkniecca ŭ lubym punkcie pasprabavać urehulavać niejkija kanflikty mirnym šlacham. My taksama hetaha chočam. Tamu my nikoli nie budziem prablemaj dla Jeŭrapiejskaha sajuza, u tym liku i dla Niamieččyny.
Taho ž samaha my chacieli b i ad Niamieččyny: my chočam, kab Niamieččyna, razumiejučy nas, rabiła peŭnyja kroki nasustrač», — padkreśliŭ biełaruski kiraŭnik.
Łukašenka ŭkazaŭ na prablemy ŭ handlovych adnosinach pamiž krainami:
«Vy płot pabudavali i navat da płota nikoha nie padpuskajecie. Horš čym u Trampa ź Mieksikaj ściana pabudavanaja, tolki jana niabačnaja, ekanamičnaja. Tamu my chacieli b narešcie źniać hety płot. Kali Jeŭrapiejski sajuz taki prychilnik rynkavaj ekanomiki, čaho tady aharodžvacca?»
Łukašenka raskazaŭ, čaho b jon chacieŭ ad Niamieččyny i Jeŭrasajuza
