Valeryj Capkała, eks-kiraŭnik PVT, prezientavaŭ svoj startap Prabook — suśvietnuju bijahrafičnuju biblijateku
22 listapada ŭ Minsku na sustrečy, arhanizavanaj Event Media, Valeryj Capkała aficyjna prezientavaŭ svoj startap. Jon zajmajecca im «na karyść hramadstvu», ale nie vyklučaje, što ŭ budučyni prajekt stanie častkaj pošukavaha hihanta nakštałt Google. Havorka idzie ab płatformie Prabook, užo samaj vialikaj u śviecie bijahrafičnaj biblijatecy, piša bel.biz.
Prefiks «pra» ŭ naźvie ŭzychodzić da rańnich indajeŭrapiejskich movaŭ i aznačaje ŭ roznych narodach «pačatak», «napierad», «vialikaje», «prostaje». U sacyjalnym vymiareńni Prabook — heta, pierš za ŭsio, kniha rabot. Jon zaklikany dać kožnamu čałavieku mahčymaść pradstavić dokazy svajoj prysutnaści na Ziamli ŭ vyhladzie knih, artykułaŭ, publikacyj, karcin, muzyki, fotazdymkaŭ i inš.
Valeryj Capkała. Fota: wikipedia.org.
«Navukoŭcy, architektary, daktary, jurysty, ekanamisty, biznesmieny, a taksama mnohija inšyja prafiesijanały, nieviadomyja ŭ mižnarodnym maštabie, nie mienš važnyja dla čałaviectva, čym śpievaki, pop-dzivy ci modnyja madeli». Hałoŭnaja ideja prajekta — sabrać maksimalna poŭnuju bazu dadzienych ab samych roznych ludziach (nie abaviazkova suśvietnych zorkach) i ŭparadkavać hetuju infarmacyju.
A paradku ŭ infarmacyi brakuje. Naprykład, u Google pry pošuku pa malunkach pa zapycie «Steve Jobs» vy atrymajecie šmat adnolkavych fotazdymkaŭ, a ŭ pieršych vynikach vydačy buduć fota Eštana Katčara, jaki syhraŭ Džobsa ŭ bijahrafičnym filmie, i kalehaŭ Styva pa IT-cechu — Hiejtsa, Cukierbierha i inš.
Tak vyhladaje pošukavaja vydača pa zapycie «Steve Jobs» u Google pa malunkach.
Prabook robić akcent na fota («Vikipiedyja» na ich biednaja) i pakaža vyjavy pa temach, u chranałahičnym paradku. Na staroncy, pryśviečanaj Styvu Džobsu, možna ŭbačyć fatahrafii pradprymalnika sa škoły i kaledža, a paśla — chranałohiju pracy, ad pieršaj techniki ŭ haražy da Pixar i prezientacyi iPhone, vypuščanyja hadžety. Prabook sam apracoŭvaje i sartuje malunki, ale, jak i kožnaj niejrasietcy, jamu dapamahajuć ŭručnuju.
U Prabook foto nie paŭtarajucca, niejrasietka sartuje ich pa tematyčnych raździełach.
Raspracoŭščyki «skormlivajuć» Prabook'u vyjavy z adkrytych krynic i knih z usiaho śvietu. Jany skanujuć vydańni i sartujuć infarmacyju — zakony ZŠA, dzie zarehistravanaja kampanija i patenty apracoŭki dadzienych, dazvalajuć rabić heta biez parušeńnia aŭtarskich pravoŭ. Pa rašeńni Viarchoŭnaha suda ZŠA infarmacyja pra ludziej, jakaja trapiła ŭ adkrytaje karystańnie, nie źjaŭlajecca abjektam aŭtarskaha prava.
Na płatformie možna zarehistravacca i dadać, naprykład, adskanavanyja fota svajho zvyčajnaha siamiejnaha fotaalboma ci fotaarchiŭ viadomaha svajaka.
«Pa vialikim rachunku, ideja Prabook zaklučajecca ŭ tym, kab zabiaśpiečyć tak zvanuju ličbavuju nieŭmiručaść, — kaža Valeryj Capkała. — Kaliści Žan Badryjar skazaŭ, što nieŭmiručaść u sacyjalnym płanie demakratyzuje i z pryvilei niamnohich stanovicca patencyjnym pravam kožnaha. Kaliści hetaja fraza mianie surjozna začapiła. I mnie chočacca, kab infarmacyja pra ludziej «viarnuła» ich da žyćcia».
«Vam nie treba być znakamitym, kab być niezabyŭnym» — słohan prajekta Capkała.
U Prabook jość upłyvovyja adnadumcy ŭ hetym pytańni. Płatforma zaklučyła partniorskuju prahramu z Amazon i dziakujučy joj zhienieravała bolš za 2,5 młn artykułaŭ. U Amazon jość infarmacyja ab vydadzienych knihach, a ŭ Prabook jość infarmacyja pra aŭtaraŭ hetych knih: z płatformy na sajt knižnaha anłajn-hipiermarkieta viadzie kala 750 000 spasyłak.
Klijenckaja baza Prabook pavialičvajecca za košt arhaničnaha rostu. Płatforma dahetul nijak nie rekłamavałasia, i ŭ Minsku adbyłasia pieršaja prezientacyja prajekta. «Ja paličyŭ pravilnym zrabić heta ŭ Biełarusi, tamu što heta maja kraina», — patłumačyŭ Valeryj Capkała.
Svaim startapam Valeryj paćviardžaje svaje ž słovy, pramoŭlenyja u lutym 2017: «Infarmacyja — nafta 21 stahodździa. Źbirać danyja i pieratvarać ich u infarmacyju — zaraz heta asnoŭny trend u startap-kirunku. […] Usie kampanii, aryjentavanyja na apracoŭku infarmacyi — heta ŭsurjoz i nadoŭha».
