Francuzy burna pratestujuć suprać novaha padatku na paliva, zabłakavanyja mnohija darohi
409 čałaviek paraniena ŭ sutyčkach, paviedamlaje RFI.
«Usiaho ŭ 2034 akcyjach ŭziali ŭdzieł 287 710 čałaviek. Pry hetym paciarpieli 409, ź ich 14 atrymali ciažkija ranieńni. Siarod palicejskich, žandaraŭ i supracoŭnikaŭ pažarna-vyratavalnaj słužby paciarpieli 28 čałaviek, niekatoryja dosyć ciažka, − paviedamiŭ ministr unutranych spraŭ Francyi Krystof Kastanier, dadaŭšy, što «noč prajšła niespakojna», a złoŭžyvańnie ałkaholem na niekatorych błokpastach pryviało «da idyjockich pavodzinaŭ», bojek i navat nažavoha ranieńnia. Najbolš surjoznym zdareńniem źjaviłasia śmierć 63-hadovaj udzielnicy akcyi ranicaj u subotu.
Akramia taho, ministr paviedamiŭ pra toje, što było praviedziena zatrymańnie 282 čałaviek, u tym liku 73 na praciahu nočy. 157 čałaviek byli źmieščanyja pad vartu. «Tyja, chto pretenduje na rolu arhanizataraŭ i chto na samaj spravie dezarhanizuje krainu, parušajuć demakratyju i pavinny nieści adkaznaść za svaje dziejańni», − padkreśliŭ jon.
Ranicaj u niadzielu, 18 listapada, na darohach pa-raniejšamu znachodziacca 150 błokpastoŭ «žoŭtych kamizelek» u roznych rehijonach krainy. Akramia taho, «žoŭtyja kamizelki» zabłakavali dzieviać uvachodaŭ u park Dysnejłend, pakinuŭšy tolki dva svabodnymi dla naviedvalnikaŭ.
GILETS JAUNES : Des dizaines de #GiletsJaunes viennent d'arriver à l'entrée de Disneyland Paris, pour une opération péage gratuit (Le Parisien). pic.twitter.com/eDCWvFoe8v
Prezident Francyi Emaniuel Makron pravioŭ subotu ŭ svajoj rezidencyi Łanterna ŭ Viersali pad uzmocnienaj achovaj palicyi.
Urad Francyi ŭvioŭ novy padatak na paliva, kab padšturchnuć ludziej ekanomić bienzin i dyzpaliva. Mety hetaha kroku — jak ekanamičnyja, tak i ekałahičnyja. Adstupać urad nie maje namieru.