Reforma Karpienki: abituryjent adkazaŭ na 4 z 30 pytańniaŭ. I atrymaŭ 32 bały! FOTAFAKT
Padčas centralizavanaha teściravańnia ciapier vykarystoŭvajecca novaja sistema padliku bałaŭ.
Havorka idzie pra toje, što abituryjenty ź nizkim uzroŭniem viedaŭ buduć atrymlivać vyšejšyja bały, čym raniej. Adznaka pa CT u peŭnaj stupieni budzie adpaviadać bału sa školnaha atestata.
Heta adna z reformaŭ, jakuju pravodzić Ministerstva adukacyi na čale ź Iharam Karpienkam.
Ihar Karpienka, fota Siarhieja Hudzilina.
Repietytar Jaŭhien Liviant prademanstravaŭ, jak u realnaści pracuje novaja sistema. Adzin ź jaho vučniaŭ adpraviŭsia na repietycyjnaje teściravańnie pa matematycy. Ale ŭ patrebnym miescy błanka pamyłkova paznačyŭ nie matematyku, a fiziku. U vyniku sistema apracoŭvała jaho adkazy nie pa tym kodzie klučoŭ.
Adkazy syšlisia tolki ŭ 4 pytańniach z 30, pryčym tolki ŭ bolš lohkaj častcy A, dzie treba abrać pravilny adkaz z prapanavanych.
Za bolš składanuju častku V jon, naturalna, nie atrymaŭ nivodnaha bała, bo adkazvaŭ na inšyja pytańni.
Ale prablema nie ŭ niaŭvažlivaści abituryjenta. Za 4 z 30 pravilnych adkazaŭ jon atrymaŭ 32 bały, amal tracinu ad mahčymaha vyniku.
Pry raniejšaj sistemie padliku jon mieŭ by 10—15 bałaŭ, i istotna adstavaŭ by ad abituryjentaŭ-razumnikaŭ. Ciapier ža, dziakujučy reformie Karpienki, roźnica nivielujecca (bo padrychtavanyja dzieci jak atrymlivali 80—90 bałaŭ, tak i buduć atrymlivać, padymać ich bały niama kudy).
