Łukašenka pryznačyŭ troch pasłoŭ, čatyroch meraŭ i rektara Akademii avijacyi
Alaksandr Łukašenka pryznačyŭ novych pasłoŭ Biełarusi ŭ Vienhryi, Siryi i Indyi. Adpaviednyja kadravyja rašeńni kiraŭnik dziaržavy pryniaŭ 13 listapada, piša BiełTA.
Pasłom Biełarusi ŭ Vienhryi i pa sumiaščalnictvie ŭ Bośnii i Hiercahavinie pryznačany Alaksandr Panamaroŭ.
Biełaruskuju dypmisiju ŭ Siryi ŭznačalić Juryj Słuka. Jon taksama pa sumiaščalnictvie budzie pasłom Biełarusi ŭ Iardanii i Livanie.
Andrej Ržeŭski pryznačany pasłom Biełarusi ŭ Indyi i pa sumiaščalnictvie ŭ Šry-Łanka.
Łukašenka taksama daŭ zhodu na pryznačeńnie šerahu novych kiraŭnikoŭ miascovaj viertykali ŭłady.
Na pasadu pieršaha namieśnika staršyni Homielskaha abłvykankama ŭzhodniena kandydatura Hienadzia Sałaŭja, jaki da ciapierašniaha času pracavaŭ na pasadzie staršyni Niaśvižskaha rajvykankama.
Mikałaj Karocin, raniej dyrektar RUP «Prajektny instytut Mahileŭhipraziem», budzie pracavać pieršym namieśnikam staršyni Mahiloŭskaha abłvykankama.
Łukašenka taksama daŭ zhodu na pryznačeńnie kiraŭnikoŭ rajonaŭ. Čačerski rajvykankam uznačalić Juryj Dzierkačoŭ, Andrej Baranoŭski zojmie pasadu staršyni Akciabrskaha rajvykankama, staršynioj Šumilinskaha rajvykankama stanie Aleh Bykaŭ. Usie jany raniej pracavali ŭ miascovaj viertykali ŭłady na roznych pasadach.
Akramia taho, kiraŭnik dziaržavy ŭzhadniŭ pryznačeńnie Ivana Rabkaŭca na pasadu staršyni Pinskaha harvykankama. Da hetaha času jon pracavaŭ na pasadzie namieśnika ministra transpartu i kamunikacyj.
Łukašenka taksama daŭ zhodu na pryznačeńnie Arcioma Šehidzieviča rektaram Biełaruskaj dziaržaŭnaj akademii avijacyi.
Akramia taho, na pasadu rektara Mazyrskaha dziaržaŭnaha piedahahičnaha ŭniviersiteta ŭzhodnieny Valeryj Naŭnyka.
