Kala Ašmianaŭ sutyknulisia «Pasat» i «Hazel». Nie vyklučana, što «Pasat» pierad hetym u Ašmianach zabiŭ piensijanierku
SK u svaim telehram-kanale paviedamlaje pra dva DTZ, što zdarylisia siońnia na Ašmianščynie.
Fota SK
Na aŭtadarozie Barysaŭ — Vilejka — Ašmiany niedaloka ad v. Narbuty sutyknulisia «Falksvahien-Pasat» pad kiravańniem 30-hadovaha žychara Ašmianaŭ i «Hazel». U vyniku DTZ kiroŭca lehkavika špitalizavany. Traŭmy roznaj stupieni ciažkaści atrymali taksama kiroŭca i pasažyrka aŭtamabila «Hazel», adnak špitalizacyja im nie spatrebiłasia.
Amal adnačasova z paviedamleńniem pra heta DTZ u Ašmianski RAUS pastupiła paviedamleńnie, što ŭ balnicy pamierła 76-hadovaja piensijanierka, dastaŭlenaja ź cialesnymi paškodžańniami ranicaj 3 listapada z vuł. Čyrvonaarmiejskaj u Ašmianach.
Fota SK
Było ŭstanoŭlena, što atrymanyja piensijanierkaj traŭmy charakternyja dla najezdu transpartnaha srodku. Akramia taho, kanfiskavanyja ź miescaŭ abodvuch zdareńniaŭ ślady dazvalajuć zrabić vysnovu pra ŭzajemasuviaź dźviuch padziej. Praviarajecca viersija najezdu na piešachoda aŭtamabila «Falksvahien-Pasat».