Eks-dyrektara Žytkavickaha matorabudaŭničaha zavoda prysudzili da 9 hadoŭ kałonii za chabar pamieram $150 tysiač
Byłoha dyrektara Žytkavickaha matorabudaŭničaha zavoda Viktara Kurjanoviča prysudzili da 9 hadoŭ kałonii za chabar u asabliva bujnym pamiery i złoŭžyvańnie słužbovymi paŭnamoctvami.
Pavodle śledstva, u 2008-2015 hadach pry praviadzieńni kankurentnaj pracedury zakupki dyrektar zavoda damoviŭsia z pradstaŭnikami niekalkich zamiežnych kampanij ab atrymańni ad ich uznaharodžańnia ŭ pamiery 5% ad cany kožnaj ździełki ŭ abmien na zaklučeńnie (vykanańnie) kantraktaŭ na zakupku mietałaapracoŭčaha abstalavańnia. Pa vynikach konkursu kiraŭnik prymaŭ rašeńnie ab pryznańni pieramožcam kankretnyja kampanii, pra što paviedamlaŭ siabram konkursnaj kamisii.
Usiaho z 2008 pa 2015 hod abvinavačany niezakonna atrymaŭ u jakaści chabaru $149,5 tysiač.
Kurjanoviču pryznačana pakarańnie ŭ vyhladzie pazbaŭleńnia voli na 9 hadoŭ kałonii, štrafu pamieram 300 bazavych vieličyń — 7350 rubloŭ, z kanfiskacyjaj usioj majomaści. Taksama eks-dyrektar na 5 hadoŭ pazbaŭleny prava zajmać peŭnyja pasady. Akramia hetaha, z Kurjanoviča ŭ dachod dziaržavy spahnali 315,7 tysiačy rubloŭ.
