Ukrainskija vajskoŭcy praviali navučalny boj pamiž Su-27 i F-15
Savieckija źniščalniki Su-27, jakija stajać na ŭzbrajeńni VPS Ukrainy, pakazali siabie lepš u bai na dystancyi ad 1 da 1,5 km, čym źniščalniki F-15 C Eagle Nacyjanalnaj hvardyi ZŠA. Kadry boju apublikavanyja na kanale Vajennaha telebačańnia Ukrainy ŭ YouTube.
Boj prachodziŭ padčas vučeńniaŭ «Čystaje nieba — 2018» (Clear Sky), u manieŭrach udzielničali pa čatyry-piać samalotaŭ Su-27 i F-15. Adznačajecca, što Su-27 pieramahli za košt bolšaj manieŭranaści i miechanizacyi.
Vučeńni «Čystaje nieba» prachodziać va Ukrainie z 8 pa 19 kastryčnika, u ich, akramia ZŠA, biaruć udzieł Vialikabrytanija, Bielhija, Danija, Estonija, Niderłandy, Polšča i Rumynija. Vučeńni, jak adznačali ŭ Minabarony Ukrainy, prachodziać u Vińnickaj i Chmialnickaj abłaściach — u horadzie Starakanstancinaŭ i na aeradromie Haŭryškova. U vučeńniach biaruć udzieł kala 700 vajskoŭcaŭ, usiaho zapłanavana 330 vyletaŭ.
