U Minsku mužčyna baviŭ noč sa znajomaj ź interneta, a jana skrała ŭ jaho $3,5 tysiačy i ałkahol
Minčuk paznajomiŭsia ź dziaŭčynaj u internecie, zaprasiŭ jaje ŭ hości, a jana skrała ŭ jaho $3,5 tysiačy i dźvie plaški ałkaholu, paviedamlaje HUUS Minharvykankama.
Napiaredadni viečaram mužčyna zaprasiŭ da siabie ŭ hości dziaŭčynu, ź jakoj paznajomiŭsia ŭ internecie. Jany pili ałkahol, a da 4-aj ranicy dziaŭčyna syšła.
Minčanka, kali sychodziła, vyrašyła skraści ŭ haspadara dźvie plaški śpirtnoha. U piarednim pakoi jana ŭbačyła zaplečnik paciarpiełaha. Adkryŭšy sumku, žančyna znajšła tam hrošy. Dalej jana pakłała tudy śpirtnoje i syšła. Adrazu ž paśla hetaha dziaŭčyna adpraviłasia da siabroŭki.
Da zatrymańnia milicyjanierami dziaŭčyna paśpieła pieradać 1200 dalaraŭ svajoj siabroŭcy dla apłaty kredytu i kamunalnych pasłuh.
Raspačataja kryminalnaja sprava pa č.3 art.205 KK Biełarusi (Kradziež), žančynie pahražaje da 7 hadoŭ pazbaŭleńnia voli.