Volha Kavalkova: Na prajmieryz ad BCHD ja pakul prajhraju Paŭłu Sieviaryncu. Ale ja ž lepšaja za jaho!
Sustaršynia arhkamiteta pa stvareńni Biełaruskaj chryścijanskaj demakratyi Volha Kavalkova paviedamiła ŭ fejsbuku, što arhanizacyja papiarednie vyznačyła svajho kandydata dla patencyjnaha ŭdziełu ŭ prezidenckaj kampanii-2020. Hety čałaviek budzie prymać udzieł u prajmieryz u miežach pravacentrysckaj kaalicyi (Ruch «Za Svabodu», AHP i BCHD).
Pa vynikach hałasavańnia pieršaje miesca zaniaŭ Pavieł Sieviaryniec, druhoje — Volha Kavalkova.
Pavieł Sieviaryniec.
Volha Kavalkova. Fota Radyjo Svaboda
Adnak Kavalkova nie zdajecca. Jana tłumačyć, što kančatkovaje rašeńnie BCHD prymie paźniej, i prosić padtrymać mienavita jaje.
«Ja liču, što Pavał hodny čałaviek, ale propaviedź i palityka — heta zusim roznyja rečy.
Jak chryścijanka, ja liču, što zadača chryścijanska-demakratyčnaj partyi — nie naviazvać usim svajo pohlady, a słužyć ludziam. Upeŭnienaja, što na asnovie chryścijanska-demakratyčnych pryncypaŭ u našym hramadstvie najbolš kamfortna budzie siabie adčuvać i ateist, i chryścijanin i čałaviek inšaj kanfiesii. Tamu što tolki chryścijanstva pryniesła ŭ hety śviet absalutnuju pavahu da čałaviečaj asoby. Chrystos pamior nie tolki za viernikaŭ, ale i za hrešnikaŭ. Hałoŭnaja misija i zadačy palityčnaj partyi — prapanova prajektaŭ zakonaŭ na asnovie chryścijanska-demakratyčnych pryncypaŭ. Propaviedździu i misijaj pavinny zajmacca cerkvy i chryścijanskija arhanizacyi. Palityki pavinny stvarać umovy dla ich volnaha isnavańnia», — piša Kavalkova.
Naprykancy zvarotu Kavalkova prosić padtrymać jaje ŭ jakaści kandydatki ŭ prezidenty. Na jaje dumku kampanija-2020 budzie vyznačalnaj dla Biełarusi.
Apytanka
