«Jon sam zalez na mianie»: aktrysa Azija Ardženta ŭ padrabiaznaściach apisała seks z akcioram Bienietam
Italjanskaja aktrysa Azija Ardženta paćvierdziła, što zajmałasia seksam z akcioram Džymi Bienietam, kali jamu było 17 hadoŭ. Jana raskryła padrabiaznaści ŭ intervju italjanskamu telekanału, paviedamlaje The Local.
Pa słovach aktrysy, jany sustrelisia pa prośbie Bienieta — jon chacieŭ, kab Ardženta dapamahła jamu padrychtavacca da kastynhu. Jana padkreśliła, što akciory ŭžo rabili tak raniej.
«Jon pačaŭ całavać mianie i dakranacca. Jon rabiŭ sa mnoj nie tak, jak syn z maci — a ja bačyła našy adnosiny mienavita tak, - a jak chłopčyk ź nieŭtajmavanymi harmonami. I heta mianie paralizavała», — raspaviała Ardženta.
«Jon litaralna zaskočyŭ na mianie … Jon byŭ na mnie, i jon končyŭ. Ja ničoha nie adčuła i nijak nie adreahavała, bo dla mianie heta było niejmavierna. Jon pryznaŭsia mnie, što heta było jaho fantazijaj z 12-hadovaha ŭzrostu. Dla jaho ja była palaŭničym trafiejem», — zajaviła aktrysa.
Adznačajecca, što Bieniet paprasiŭ u Ardženta 3,5 miljona dalaraŭ za maŭčańnie. Aktrysa pryznałasia, što jaje paluboŭnik, šef-kuchar i televiadučy Entani Burden vypłaciŭ jamu 250 tysiač dalaraŭ. Burden ździejśniŭ suicyd u červieni, a Ardženta admoviłasia płacić Bienietu astatniuju sumu.
U vieraśni Bieniet raspavioŭ svaju viersiju. Pavodle jaho słoŭ, aktrysa zhvałtavała jaho, zaprasiŭšy ŭ numar hatela ŭ 2013 hodzie. Pry sustrečy jana pačastavała Bienieta šampanskim, a zatym pačała całavać jaho, paśla čaho šturchnuła na łožak i zaniałasia ź im seksam.
Azija Ardženta — adna ź pieršych aktorak, jakija zajavili pra zhvałtavańnie z boku pradziusara Charvi Vajnštejna.
