TASS prypisała pastajannamu pradstaŭniku ZŠA słovy pra datyčnaść Rasii da zabojstva brata Kim Čen Yna
Pastajanny pradstaŭnik ZŠA pry AAN Niki Chejli zajaviła, što Rasija datyčnaja da zabojstva Kim Čen Nama, brata lidara KNDR Kim Čen Yna, paviedamlaje TASS.
«Kali Paŭnočnaja Kareja vykanała zabojstva Kim Čen Nama, heta było pry sadziejničańni Rasii, jakaja pieradavała bijałahičnyja rečyvy Paŭnočnaj Karei», — skazała Chejli na pasiadžeńni Rady biaśpieki AAN, pryśviečanym sankcyjam suprać Pchieńjana.
Niki Chejli dadała, što Rasija dapamahała Paŭnočnaj Karei abychodzić sankcyi, źviazanyja z pastaŭkami nafty, jakija ŭviała Rady Biaśpieki AAN.
Udakładnieńnie: Ahienctva TASS niekarektna pracytavała słovy pastajannaha pradstaŭnika ZŠA pry AAN Niki Chejli pra suviazi Rasii z Paŭnočnaj Karejaj.
Nasamreč Chejli nie vinavaciła Rasiju ŭ datyčnaści da zabojstva, a tolki adznačyła, što paśla jaho Maskva admoviłasia rabić bolš žorstkimi sankcyi suprać KNDR.
