Łukašenka prapanavaŭ Mirzijojevu pabudavać pasolstva va ŭźbiekskim styli kala Pałaca Niezaležnaści
Alaksandr Łukašenka siońnia na pieramovach z prezidentam Uźbiekistana Šaŭkatam Mirzijojevym u vuzkim farmacie prapanavaŭ jamu pabudavać u Minsku pasolstva va ŭźbiekskim styli kala Pałaca Niezaležnaści.
«Vy adkryli ŭ nas pasolstva. Heta śviedčańnie taho, što vy nie ličycie nas dalokimi ludźmi, jakija žyvuć za tysiačy kiłamietraŭ (choć hieahrafična heta tak). My blizkija ludzi. I my padbiarom samaje dobraje miesca nasuprać Pałaca Niezaležnaści, kali vy ryzykniacie va ŭźbiekskim styli pryhožaje pasolstva, jak vy budujecie tut pałacy», — skazaŭ Alaksandr Łukašenka.
Šaŭkat Mirzijojeŭ adkazaŭ, što hetaja prapanova abaviazkova budzie razhledžana. «Heta była maja daŭniaja mara — adkryć pasolstva ŭ Biełarusi. Kali my havorym ab siabroŭskich adnosinach, to my pavinny byli adkryć pasolstva i pracavać jak treba», — adznačyŭ jon.
«Ja padtrymaju heta ź vialikim zadavalnieńniem, — zapeŭniŭ kiraŭnik biełaruskaj dziaržavy. — Kali budzie treba, chaj u vas budzie ŭ centry Jeŭropy svoj kutok ziamli, adkul vy možacie pracavać na ŭvieś Jeŭrapiejski rehijon».
