Łatvijskija naftapravody mohuć pierajści va ŭłasnaść Biełarusi
Delfi.lv
Praź niekalki hadoŭ paśla spynieńnia tranzitu rasijskaj nafty ŭładalnik trubapravoda LatRosTrans vykačaŭ ź jaho technałahičnuju naftu i pradaŭ jaje. Biełaruskaje pradpryjemstva «Połacktransnafta «Družba» padało ŭ sud pazoŭ, bo ličyć technałahičnuju naftu ŭ naftapravodach, što naležać LatRosTrans, svajoj ułasnaściu.
Ciapier usio zaležyć ad sudździ Viarchoŭnaha suda Łatvii Valeryja Maksimava, jaki pavinien vyrašyć, ci prymać kasacyjnuju skarhu. Kali jana budzie adchilenaja, nabudzie moc rašeńnie Łathalskaha akruhovaha suda ad 7 červienia 2018 hoda, i Biełaruś rukami łatvijskaha suda atrymaje ŭłasnaść stratehičnaha značeńnia. Tady LatRosTrans pavinien budzie vypłacić joj 67 młn jeŭra, što niemahčyma zrabić ź minułahodnim prybytkam u pamiery 1,7 młn jeŭra. U vypadku niepłaciežazdolnaści pradpryjemstva trubapravody piarojduć va ŭłasnaść Biełarusi.
