Alaksandr i Kola Łukašenki pryjechali na Dzień horada na rolikach FOTY
Alaksandr Łukašenka ŭziaŭ udzieł u fizkulturna-spartyŭnym śviacie ŭ ramkach śviatkavańnia Dnia horada. Kiraŭnik dziaržavy razam z synam ŭdzielničaŭ u estafiecie na łyžarolerach i rolikavych kańkach.
U kamandzie prezidenta taksama jaho pres-sakratar Natalla Ejsmant, trenier Michaił Zacharaŭ, forvard chakiejnaj kamandy prezidenta, pieršy vice-prezident NAK Andrej Astaševič.
Prysutničaje kala Pałaca sportu i kiraŭnik Administracyi prezidenta Natalla Kačanava, staršynia Minskaha harvykankama Andrej Šorac, namieśnik kiraŭnika administracyi prezidenta Maksim Ryžankoŭ.
Natalla Ejsmant
Jak było abvieščana, Mikałaj Łukašenka staŭ samym junym udzielnikam zabiehu. Małodšamu synu kiraŭnika krainy 31 žniŭnia spoŭniłasia 14 hadoŭ. Jon bieh u składzie adnoj z amatarskich kamand. Za amataraŭ u zabiehu taksama paŭdzielničali Natalla Ejsmant, Michaił Zacharaŭ, Andrej Astaševič.
Spartyŭnaje śviata praciahvałasia estafietaj siarod kamand siłavych struktur i dziaržaŭnych orhanaŭ.
Kiraŭnik dziaržavy zajaŭleny ŭ kamandzie Nacyjanalnaha alimpijskaha kamiteta. U joj taksama značycca alimpijskaja čempijonka Nadzieja Skardzina. Jašče adna znakamitaja bijatłanistka — Alena Zubryłava biehła za kamandu KDB. Siarod udzielnikaŭ taksama kamanda MUS, Ministerstva abarony, Dziaržpahrankamiteta, Dziaržaŭnaha mytnaha kamiteta, 2 kamandy ad MNS, kamanda Ministerstva adukacyi.
Pieršaj da finišu pryjšła kamanda NAK. Alaksandr Łukašenka bieh na apošnim etapie. Razam ź im u estafiecie 4 pa 2,8 km ŭdzielničali Nadzieja Skardzina, kańkabiežcy Maryna Zujeva i Ihnat Hałavaciuk.
