Kancert pamiaci Alaksandra Kulinkoviča ŭ Prime Hall — 25 kastryčnika
belprauda.org
Siońnia ŭ amfiteatry Prime Hall (Minsk, pr. Pieramožcaŭ, 65) adbudziecca vialiki kancert, pryśviečany pamiaci Alaksandra Kulinkoviča — muzykanta, paeta, lidara hurta «NeuroDubel», što pamior 4 žniŭnia.
Praz hod hrupie spoŭniłasia b 30 hadoŭ; nastupnym letam Kulinkovič płanavaŭ adznačyć jubilej kancertam u PrimeHall, dzie «NeuroDubel» ni razu nie vystupaŭ solna. Ciapier muzyki adyhrajuć vialikuju prahramu biez svajho lidara. Z hrupaj praśpiavajuć siabry i kalehi Kulinkoviča: Lavon Volski, Aleh Chamienka, Juryj Stylski, Ihar Varaškievič, Uładzimir Puhač, Źmicier Vajciuškievič, Alaksandr Pamidoraŭ, Alaksandr Saładucha, Aleś Myškievič, Aleś Lutyč, Zoja Schončyk, Anhus Tarnada, Lesli Knife, Dzianis Tarasienka, «Viełasipiedystaŭ».
Hrošy, atrymanyja ad kancertu, pojduć na ŭstalavańnie pomnika Alaksandru Kulinkoviču, vydańnie zbornika jaho publicystyki, a taksama alboma z fotazdymkami hrupy.
25 kastryčnika, 19.00. Kvitki ŭ kasach i na sajcie Kvitki.by, u kasie i na sajcie Prime Hall.
