«Łukizm», «emacyjnaje porna» dy inšyja prafiesijnyja temy. Wonderzine i Naša Nina: sustreča z redakcyjami ŭ Pres-kłubie
24 vieraśnia, u paniadziełak, a 19-j hadzinie «Naša Nina» zaprašaje ŭ Pres-kłub na adkrytuju sustreču z žurnalistkami rasijskaha vydańnia Wonderzine: redaktarkaj rubryki «Žyćcio» Sašaj Savinaj, bjuci-redaktarkaj Marharytaj Viravaj i dyrektarkaj dystrybucyi Ksienijaj Piatrovaj.
Razam z kamandaj jany robiać nietypovaje, sučasnaje i paśpiachovaje miedyja, aryjentavanaje najpierš na žančyn.
Sajt Wonderzine źjaviŭsia ŭ miedyjaprastory piać hadoŭ tamu i adrazu vyłučyŭsia na fonie inšych ruskamoŭnych vydańniaŭ svaim padychodam da temaŭ. Kamanda vyjšła daloka za miežy pryhažości, kuchni, adnosin i śvieckaj chroniki.
Prajekt «Našaj Nivy» — «Naša Nina» — taksama bačyć žančyn roznabakova. My pišam pra tych, chto raźbivaje stereatypy, źviazanyja ź miescam žančyny ŭ hramadstvie, pra mocnych hieraiń, ź jakich chočacca brać prykład.
My zaprašajem kaleh padzialicca nabytym dośviedam i robim hetuju sustreču adkrytaj dla ŭsich zacikaŭlenych.
Što budziem abmiarkoŭvać?
Na prykładzie pracy Wonderzine abmiarkujem, jakim moža być sučasnaje vydańnie dla žančyn i ci patrebna jano jak asobny prajekt uvohule?
Hości padzielacca svaim pohladam na fieminiscki paradak dnia i prablemy žančyn u Rasii i SND. Nas čakaje abmierkavańnie jak minimum nastupnych tem:
Saša Savina, redaktarka raździeła «Žyćcio»:
- «Emacyjnaje porna: jak pisać na sacyjalnyja temy karektna i pry hetym nie manipulavać čytačom»
Ksiuša Piatrova, redaktarka rostu i dystrybucyi:
- «Jak pisać pra ŁHBTKIA + čamu fieminisckamu vydańniu heta nieabchodna»;
- «Što rabić, kali ŭ vas kłasnyja teksty, ale ich nichto nie čytaje».
Marharyta Virava, bjuci-redaktarka:
- «Jakija źmieny adbylisia ŭ vydańniach ab pryhažości i styli z papularyzacyjaj fieminizmu»;
- «Jak paźbiahać łukizmu i dyskryminacyi ŭ materyjałach pra cieła, źniešnaść i makijaž».
Zaznačym, što ŭ prysutnych budzie mahčymaść zadać svaje pytańni.
Kamu heta budzie cikava?
Čytačam i čytačkam Wonderzine i «Niny», dy i ŭvohule ŭsim, chto tak ci inakš sutykajecca z «žanočymi» pytańniami. A taksama tym, chto cikavicca apošnimi trendami i choča być «u temie».
Važnaje
My ładzim hetaje mierapryjemstva razam z Pres-kłubam, na jaho placoŭcy (vuł. Viery Charužaj, 3-601) i adbudziecca sustreča z Wonderzine. Ale heta było b niemahčyma biez našych partnioraŭ:
«Mebla, što raście»— mebla novaha pakaleńnia, stvoranaja, kab zachavać zdaroŭje. Heta kamfortnyja kresły i stały, vyšyniu jakich možna rehulavać, aryjentujučysia na rost čałavieka (što asabliva aktualna dla dziaciej, jakija chutka rastuć). Na sustrečy kožny z prysutnych zmoža ŭsio heta «pamacać».
CeramoHeat— sučasnyja infračyrvonyja abahravalniki, jakija zajmajuć minimum miesca i prosta ŭpryhožvajuć pamiaškańnie svaim łakaničnym dyzajnam. Adzin taki abahravalnik na sustrečy my padorym samamu aktyŭnamu hościu.
Sietka aptek «Adel»— najbujniejšaja biełaruskaja sietka aptek ź lekami, miedtechnikaj, kaśmietyčnymi srodkami i BADami.
Sałon akularaŭ «Zołuška»na praśpiekcie Niezaležnaści, 16 — prapanuje vielizarny vybar akularaŭ i linzaŭ.
Kampanija «Alivaryja»— pačastuje ŭsich nas smačnymi biezałkaholnymi napojami.
Kab stoadsotkava trapić na mierapryjemstva, nie zabudźcie zarehistravacca na sustreču voś tut.
