Bieraściejec znajšoŭ dačku ŭ Rasii praz 35 hadoŭ
DNK-ekśpiertyza dapamahła žycharu Bresta znajści ŭ Rasii darosłuju dačku, paviedamiła BIEŁTA aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Bresckaj vobłaści Taćciana Sivickaja.
Da ekśpiertaŭ z prośbaj pravieści test na vyznačeńnie baćkoŭstva źviarnuŭsia 64-hadovy mužčyna.
U 1980-ch jon prachodziŭ internaturu ŭ adnym z rasijskich rehijonaŭ, sustrakaŭsia tam ź dziaŭčynaj. Praz dva hady maładomu čałavieku pryjšłosia viarnucca ŭ Biełaruś, kantakty abarvalisia. Praz 35 hadoŭ bieraściejec vypadkova sustreŭ kalehu, ź jakim pracavaŭ u maładości. Ad pryjaciela jon daviedaŭsia, što ŭ Rasii ŭ jaho moža być darosłaja dačka. Paćvierdzić zdahadki ŭ byłoj kachanaj było niemahčyma, pakolki piać hadoŭ tamu jana pamierła.
Kaleha dapamoh biełarusu vyjści na suviaź ź mierkavanaj dačkoj. Kab daviedacca, ci sapraŭdy jon jaje baćka, žančyna pieraadoleła niekalki tysiač kiłamietraŭ. Vyniki DNK-ekśpiertyzy akazalisia stanoŭčymi.
