Žančynie dali try hady ŭmoŭna za DTZ, u jakim zahinuŭ jaje syn
Sud Vilejskaha rajona vynies rašeńnie pa DTZ, u vyniku jakoha zahinuła 3-hadovaje dzicia žančyny-kiroŭcy, piša tut.by. Jana straciła pilnaść padčas kiravańnia, aŭtamabil zaniesła, jon źjechaŭ u kiuviet i ŭrezaŭsia ŭ dreva.
Raniej paviedamlałasia, što 3 červienia 36-hadovaja minčanka, kirujučy Ford Fiesta, jechała pa trasie Ušačy - Vilejka. Na 111-m kiłamietry darohi jana adciahnułasia na padłučeńnie zaradnaj pryłady mabilnaha telefona ŭ hniazdo prypalvalnika i źjechała ŭ pravy pa chodu ruchu kiuviet, dzie mašyna ŭrezałasia ŭ dreva. U aŭtamabili znachodzilisia dvoje synoŭ žančyny. U vyniku DTZ 3-hadovy chłopčyk zahinuŭ, 10-hadovaje dzicia atrymała traŭmy roznaj stupieni ciažkaści.
Sud adbyŭsia 31 žniŭnia. U sudzie ŭdakładnili, što dzicia pieravozili na piarednim pasažyrskim siadzieńni biez vykarystańnia dziciačaha kresła.
Sud pryznaŭ žančynu vinavataj u parušeńni PDR, što paciahnuła pa nieaściarožnaści śmierć čałavieka i pryčynieńnie ciažkaha cialesnaha paškodžańnia. Žančynie pryznačana pakarańnie ŭ vyhladzie pazbaŭleńnia voli na termin 3 hady z adterminoŭkaj.