Fiederer pasłaŭ miač nižej za sietku i vyjhraŭ ačko. Supiernik byŭ u šoku, ale ŭsio pa praviłach VIDEA
Šviejcarski tenisist Rodžer Fiederer na turniry US Open u matčy treciaha koła suprać Nika Kiryasa adbiŭ miač takim čynam, što jon pralacieŭ nižej za sietku (sprava ad jaje), ale trapiŭ u placoŭku supiernika.
Fun Fact:@SwissOpenGstaad has a tradition of gifting cows to @rogerfederer. With Roger's Moooves today we totally get it...
@swiss_tennis#USOpenpic.twitter.com/uqt3uEsSw3
Padčas rozyhryšu Kiryas adbiŭ čarhovy ŭdar Fiederera i pasłaŭ miač u pravy vierchni kut. Miač lacieŭ dosyć nizka, i šviejcarac ledź paśpieŭ da jaho daciahnucca. Paśla adskoku ad rakietki Fiederera miač lacieŭ nižej za sietku, ale vuhał udaru dazvoliŭ jamu bieśpieraškodna pieralacieć na bok supiernika.
Kiryas spačatku nie pavieryŭ svaim vačam. Paźniej jon skazaŭ, što heta byŭ najlepšy ŭdar, jaki jon kali-niebudź bačyŭ u tenisie.
Praviły tenisa dazvalajuć zaličvać takija miačy. Važna, kab miač pryziamliŭsia ŭ miežach pola supiernika, pry hetym na vynik nie ŭpłyvaje toj fakt, što jon pralacieŭ zboku ad słupa, na jakim macujecca sietka.
Fiederer adznačyŭ, što hety ŭdar — adzin z najlepšych u jaho karjery, i padkreśliŭ, što niešta padobnaje mahčyma tolki na vialikich kortach, a na treniroŭcy paŭtaryć taki ŭdar nie atrymajecca. Sustreču z Kiryasam jon vyjhraŭ ź likam 6:4, 6:1, 7:5.