Kačanava vyznačyłasia, što takoje «hramadzianskaja supolnaść»: vieterany, prafsajuzy, BRSM i sajuz žančyn
Pa daručeńni Alaksandra Łukašenki kiraŭnik Administracyi prezidenta Natalla Kačanava sustrełasia z pradstaŭnikami viadučych hramadskich abjadnańniaŭ našaj krainy, jakija źjaŭlajucca asnovaj jaje hramadzianskaj supolnaści. Na hetaj sustrečy byli detalova abmierkavany roznyja prapanovy pa kadravym abnaŭleńni składu ŭrada, piša sb.by
Padčas sustrečy ŭ Administracyi prezidenta Natalla Kačanava ahučyła pierad kiraŭnikami i pradstaŭnikami hramadskich arhanizacyj dakładnuju zadaču:
— Nieabchodna abmierkavać prapanovy pa ratacyi kadraŭ. Abnaŭleńnie ŭrada — heta nieabchodnaja miera. Nievykanańnie daručeńniaŭ kiraŭnika dziaržavy niedapuščalna. Niedapuščalna, pakolki ŭsie daručeńni prezidenta nakiravany na karyść našamu narodu, na karyść našaj krainie. Novyja kandydatury byli ŭvažliva vyvučanyja, prapracavany. Chacieła b pačuć i vašyja prapanovy z hetaj nahody.
U siaredzinie lipienia kiraŭnik Biełarusi vykazaŭsia nakont taho, što jon razumieje pad hetym paniaćciem:
— My dakładna vyznačyli, što takoje hramadzianskaja supolnaść u Biełarusi: heta nie toje, što try apazicyjaniery, dva čynoŭniki i jašče niejkija arhanizacyi. Hramadzianskaja supolnaść — heta hramadzianie. A hramadzianie našaj krainy ŭ svajoj bolšaści — heta i vieterany, i moładź, jakuju pradstaŭlajuć našy, jak ja ich nazyvaju, kamsamolcy — BRSM, heta prafsajuzy i žanočaja arhanizacyja.
