U Zelvie ŭšanavali pamiać Łarysy Hienijuš
11 žniŭnia, u Zelvie ŭšanavali najvialikšuju biełaruskuju paetku i zmaharku, viaźnia stalinskich łahieraŭ, dysidentku Łarysu Hienijuš (1910-1983).
Ušanavańnie pačałosia panichidaj u Zelvienskaj Śviata-Troickaj carkvie, jakuju pa-biełarusku pravioŭ jaje nastajaciel ajciec Hieorhij Subatkoŭski.
Kala pomnika Łarysy Hienijuš, jaki znachodzicca na terytoryi carkvy, kiraŭnik Haradzienskaha adździaleńnia Sajuza biełaruskich piśmieńnikaŭ Valancin Dubatoŭka pryhadaŭ apošni hod žyćcia paetki, lačeńnie jaje ŭ haradzienskaj balnicy. Piśmieńnik Siarhiej Čyhryn raspavioŭ pra nieviadomyja raniej fakty ź bijahrafii Łarysy Hienijuš.
Na Zelvienskich mohiłkach, na mahiłu Łarysy i Janki Hienijušaŭ byli ŭskładzienyja kvietki i zapalenyja łampadki. Natalla Karpovič z Harodni pračytała niekalki patryjatyčnych vieršaŭ paetki.