Pierad pryjezdam Łukašenki balnicu ŭ Homieli prainśpiektavaŭ ministr achovy zdaroŭja

Homielskaje vydańnie «Silnyje novosti» paviedamlaje, što homielskija čynoŭniki čakajuć kiraŭnika dziaržavy ŭ piatnicu. U płanach u Łukašenki naviedać dziciačuju balnicu, a taksama «Homsielmaš». Pierad pryjezdam prezidenta balnicu «prainśpiektavaŭ» ministr achovy zdaroŭja.

Dva hady tamu padčas naviedvańnia Homiela Łukašenka daručyŭ pabudavać novuju dziciačuju balnicu, a na jaje adkryćcio paabiacaŭ pryjechać.

Na «Homsielmašy» kiraŭnika dziaržavy čakajuć, kab prademanstravać novy «supierkambajn», jaki Łukašenka anansavaŭ jašče ŭ minułym hodzie. Jon daručyŭ skanstrujavać taki kambajn da žniva 2018 hoda.

0

0

0

0

0

0