Minsportu arhanizoŭvaje jaŭku na jeŭrakubkavy matč minskaha «Dynama» praz «vysokuju hramadska-palityčnuju značnaść» DAKUMIENT
19 lipienia na stadyjonie «Dynama» adbudziecca jeŭrakubkavaja hulnia pamiž minskim «Dynama» i irłandskim «Dery Sici». Heta budzie pieršy paŭnavartasny matč na spartyŭnaj arenie paśla jaje rekanstrukcyi. Tamu čynoŭniki chočuć bačyć na trybunach pryhožuju karcinku.
U redakcyju «Našaj Nivy» trapiŭ dakumient za podpisam namieśnika ministra sporta Barauli. Jon maje paznaku «Terminova!».
«Uličvajučy vysokuju hramadska-palityčnuju značnaść mierapryjemstva, prosim zabiaśpiečyć pradstaŭleńnie zajavak na kvitki dla supracoŭnikaŭ arhanizacyi», — havorycca ŭ liście.
Paznačanaja i kantaktnaja asoba, jakoj treba dasyłać zajaŭki. Heta namieśnik dyrektara Respublikanskaha centra alimpijskaj padrychtoŭki Vital Sakałoŭski.
«Naša Niva» datelefanavałasia da jaho, kab daviedacca, ci śviedčyć hety dakumient ab prymusovych zhonach na futboł.
Sakałoŭski pačaŭ zapeŭnivać nas, što ŭsio nie tak.
«Navošta heta robicca, pytajcie nie ŭ mianie, dakumient padpisaŭ nie ja. Mnie prosta dasyłajuć zajaŭki. U ministerstva jość padnačalenyja arhanizacyi nakštałt alimpijskich škoł.
I ja b nie skazaŭ, što heta prymusova — kiraŭnictva pastaviła zadaču, ale praktyka takaja, što niekatoryja ŭvohule zajaŭki nie dasyłajuć, bo tam niama achvotnych, a chtości dasyłaje zajaŭku z bolšaj kolkaściu ludziej i prosiać pavialičyć kvotu», — skazaŭ Sakałoŭski.
Taksama jon nie viedaje, za čyje hrošy nabyvajucca kvitki.
