Pamior kiraŭnik choru «Unija» Kiryła Nasajeŭ
Kiryła Nasajeŭ, 2015.
Vydatnamu chormajstru było 57 hadoŭ. Apošnija hady jon mocna chvareŭ, paviedamlaje Radyjo Svaboda. Jon byŭ vydatnym chormajstram, a zarablaŭ jak budaŭnik. Taki prykład, takaja epocha.
Kiryła Nasajeŭ byŭ chormajstar, muzykołah i piedahoh. Jon stvaryŭ znakavyja prajekty «Muzyka Litvy i Karony», «Muzyka biełaruskich chramaŭ», «Biełaruskija maršy j pieśni. Liryka zmahańnia», jakija adrazu stali kłasikaj.
Mužčynski chor «Unija» paŭstaŭ na pačatku 1990-ch. Pravasłaŭnyja, kataliki, unijaty, pratestanty sabralisia z adnoj metaj — kab śpiavać biełaruskija carkoŭnyja pieśni.
Kiryła naradziŭsia ŭ siamji vajskovaha inžyniera i nastaŭnicy muzyki i ź dziacinstva zachaplaŭsia muzykaj. Śpiavaŭ u chory chłopčykaŭ pry kansiervatoryi, a potym pastupiŭ i ŭ samu kansiervatoryju. Vajskovuju słužbu Nasajeŭ prachodziŭ u ansambli pieśni i tancu, źbiraŭ biełaruskija pieśni na patryjatyčnuju tematyku.
U 1993 hodzie na prośbu kiraŭnika ansambla pieśni i tancu pakłaŭ dla choru «Pahoniu» i «My vyjdziem ščylnymi radami». Praź niekalki hadoŭ zapisaŭ albom «Biełaruskija maršy j pieśni. Liryka zmahańnia».
Chor «Unija» staŭ pieramožcam na pieršym fiestyvali duchoŭnaj muzyki «Mahutny Boža» u 1993 hodzie. U albomie «Muzyka zmahańnia» sabranyja histaryčnyja pieśni i aŭtarskija tvory XX stahodździa — «Nie pahasnuć zorki ŭ niebie», «Pahonia», «My vyjdziem ščylnymi radami» dy inšyja.
Ź dziciačym choram zrabiŭ prajekt «Prostyja słovy» na słovy Michała Aniempadystava.
A heta rekvijem «Śpicie ŭsie tyja, što praŭdy na śviecie šukali» na vierš Janki Kupały:
