Mitrapalit Pavieł u sudzie: Na dzień naradžeńnia mnie padaryli «Majbach»
Pra heta kiraŭnik Biełaruskaj pravasłaŭnaj carkvy raskazaŭ u sudzie nad byłym kiraŭnikom vydaviectva Biełaruskaha ekzarchata Uładzimiram Hrozavym. Adna z pretenzij pravachoŭnikaŭ da Hrozava — masavy lhotny ŭvoz aŭtamabilaŭ u krainu.
Mitrapalit Pavieł zajaviŭ, što za apošnija hady jamu nieadnarazova daryli novyja aŭtamabili. Jon ich pieradavaŭ manastyram i prychodam, ale, kab paźbiehnuć biurakratyi, prosta vypisvaŭ davieranaści.
Asobna jon zhadaŭ, što na 65-hodździe atrymaŭ «Majbach». Jubilej jon adśviatkavaŭ u 2017 hodzie.
Pa słovach mitrapalita, ciapier na jaho zarehistravanyja dva aŭtamabili.
«Majbach» — niamieckaja kampanija, najbolš viadomaja dziakujučy vytvorčaści raskošnych ekskluziŭnych aŭtamabilaŭ kłasa «luks». «Majbachi» — adny z samych darahich aŭtamabilaŭ u śviecie.
Cana takich aŭtamabilaŭ pačynajecca ad $110 tysiač za samyja prostyja madeli.