U Viciebsku pjany kiroŭca aŭtobusa z pasažyrami ŭrezaŭsia ŭ śvietłavuju mačtu
Aŭtobus jechaŭ viečaram 3 lipienia pa maršrucie Viciebsk — Kotava. Ruchajučysia pa vuł. Lenina ŭ napramku Frunze 34-hadovy mužčyna nie spraviŭsia z kiravańniem i najechaŭ na aporu śvietłavoj mačty. U vyniku DTZ 24-hadovaja pasažyrka atrymała ŭdary i była dastaŭlena ŭ balnicu.
«Paśla avaryi kiroŭca patelefanavaŭ žoncy i paprasiŭ jaho zabrać, kab zavieści ŭ balnicu, bo byccam adčuŭ siabie drenna. Supracoŭniki DAI, što pryjechali na miesca zdareńnia, kiroŭcy nie znajšli. Paźniej było ŭstanoŭlena, što jon užo znachodziŭsia doma. Paśla miedycynskaha ahladu ŭ mužčyny vyjavili 2,8 pramile ałkaholu. Jon zajaviŭ, što vypiŭ paśla DTZ», - raspaviali ŭ milicyi.
U aŭtobusie jechała kala 10 čałaviek. Adzin ź ich raspavioŭ, što maniera jazdy kiroŭcy padčas ruchu vyklikała padazreńni.
