Učastkovy schavaŭ žančynu ad pjanaha muža ŭ siabie doma
U miastečku Porazava Śvisłackaha rajona 43-hadovy miascovy žychar vytvaryŭ takoje, ad čaho, praćvierazieŭšy, byŭ u šoku, paviedamlaje UUS Hrodzienskaha abłvykankama.
Jon piŭ uvieś dzień, pastajanna čaplajučysia da sužycielki — to dušyŭ jaje, to pahražaŭ zabić. Žančyna źviarnułasia pa dapamohu da ŭčastkovaha, i toj schavaŭ jaje ŭ siabie doma.
Praź niekalki hadzin pjany muž vybraŭsia na razborki. Jon pryjšoŭ dachaty da ŭčastkovaha, dzie razmachvaŭ nažom i patrabavaŭ addać jamu zbroju i klučy ad słužbovaha aŭtamabila.
Učastkovy pieramoh jaho chitraściu — zaprasiŭ zajści ŭ chatu, a tam zavaliŭ niaprošanaha hościa na padłohu z dapamohaj kalehi, jaki byŭ u jaho ŭ haściach.
Na ranicu pjany muž daznaŭsia, što na jaho zaviedziena kryminalnaja sprava za razboj. Mahčymaje pakarańnie — da 15 hadoŭ źniavoleńnia.