U Aŭstralii 70-hadovaha miljaniera prysudzili da 39 hadoŭ turmy, z pravam na vyzvaleńnie ŭ 97 hadoŭ
Mick Tsikas / EPA-EFE
70-hadovy aŭstralijski miljanier, jaki zajmajecca deviełopierskim biznesam, Ron Miedzič prysudžany da 39 hadoŭ źniavoleńnia. Taki prysud vynies 21 červienia Viarchoŭny sud štata Novy Paŭdniovy Uels.
Miedzič byŭ pryznany vinavatym u zamovie zabojstva svajho byłoha biznes-partniora 45-hadovaha Majkła Makhierka. Jon byŭ zabity ŭ Sidnei ŭ vieraśni 2009 hoda strełam u hałavu ź blizkaj adlehłaści na vačach u svajho dzieviacihadovaha syna.
Miedzič taksama pryznany vinavatym u zapałochvańni ŭdavy Makhierka. Sudździa, ahučvajučy vierdykt biznesoŭcu, zajaviŭ, što toj byŭ «nieimavierna biessardečny», kali rabiŭ zapałochvańnie ŭdavy praz hod paśla taho, jak arhanizavaŭ zabojstva jaje muža, dadaje The Sydney Morning Herald
Sudździa taksama paviedamiŭ, što śmierć Makhierka akazała «katastrafičny» efiekt na jaho žonku i ich čaćviora dziaciej, jakija na toj momant byli va ŭzroście ad vaśmi da 12 hadoŭ.
Pavodle vierdykta suda, pieryjad zaklučeńnia biez mahčymaści ŭmoŭna-daterminovaha vyzvaleńnia składzie 27 hadoŭ. Takim čynam Miedziču budzie 97 hadoŭ, kali jon zmoža padać zapyt na daterminovaje vyzvaleńnie.
