Davydźka pra restaran la Kurapataŭ: «Kali nie na mohiłkach, to niachaj pracujuć»
Čalec Savietu Respubliki, staršynia RHA «Biełaja Ruś» Hienadź Davydźka na prośbu Radyjo Svaboda prakamentavaŭ kanflikt vakoł restaracyi «Pajedziem pajadzim», jakaja adkryłasia za 50 metraŭ ad miesca masavych rasstrełaŭ achviaraŭ stalinskich represij u Kurapatach.
«Viadoma, na mohiłkach nielha budavać takija ŭstanovy, dzie buduć pić, hulać i viesialicca. Heta na mohiłkach. Ale pobač z mohiłkami žyćcio praciahvajecca», — skazaŭ Hienadź Davydźka.
Jon kaža, što «kali restaracyja mieścicca na adlehłaści navat 50 metraŭ ad mohiłak, to niachaj i budzie».
«A kali na mohiłkach, treba zrujnavać, źniščyć. Na mohiłkach nielha viesialicca. Tady vyznačajcie, 55 metraŭ — heta ŭžo nie na mohiłkach, a 50 — na mohiłkach? Kolki patrebna?»
Pavodle Davydźki, «bolš niama palityčnych padziejaŭ, treba niešta rabić, i raźdźmuvajecca heta sytuacyja».
«Kali nie na mohiłkach, to niachaj pracujuć na karyść ludziam. Heta ž nia ŭ centry Kurapataŭ. Pahladzicie kolki starych mohiłak u nas u Miensku, i kala ich na adlehłaści hateli stajać z restaracyjami, i ničoha. Ja liču, što tut niama naŭmysnaj źniavahi. Taksama na Kurapatach, mabyć, na viciebskich ci na hetych, maje rodzičy lažać taksama. I ja staŭlusia da hetaha vielmi surjozna. Ale rabić z hetaha niejki fejk nia budu», — skazaŭ staršynia «Biełaj Rusi».
Ci pojdzie Hienadź Davydźka ŭ restaracyju «Pojediem pojedim»?
«Nia tak časta lublu chadzić pa restaracyjach. Ale čamu b i nie, kali heta nie na mohiłkach? Navat pamianuć tam možna ludziej».
Davydźka taksama skazaŭ, što byŭ u Kurapatach ź siabrami «Biełaj Rusi».
«My tam pracavali, staralisia navieści paradak. A tam pracavać i pracavać. Tam tak usio zabrudžana. Tam jość što rabić».
