Niejronavaja sietka ad Google dazvolić prahnazavać datu śmierci pacyjenta
Kampanija Google raspracavała niejronavuju sietku, jakaja moža prahnazavać datu śmierci čałavieka na asnovie jaho miedycynskich pakazčykaŭ, paviedamlaje ahienctva Bloomberg.
Pavodle jaho danych, niejronavaja sietka zmahła bolš dakładna pradkazać imaviernaść śmierci pacyjentki, jakaja trapiła ŭ špital z terminalnaj stadyjaj raka hrudziej. U toj čas jak kampjutar balnicy acaniŭ imaviernaść śmierci žančyny padčas znachodžańnia ŭ miedycynskaj ustanovie ŭ 9,3%, niejronavaja sietka Google — u 19,9%. Pacyjentka pamierła praź niekalki dzion.
Bolšaj dakładnaści prahnozu ŭdałosia dasiahnuć dziakujučy analizu zapisaŭ u starych miedycynskich kartach i fajłach PDF. Usiaho niejronavaja sietka praanalizavała 175639 faktaraŭ, zrabiŭšy heta chutčej i dakładniej, čym lubaja inšaja ź isnujučych zaraz prahram.
Niejronavaja sietka Google taksama moža davać prahnoz na vyzdaraŭleńnie pacyjenta, termin jaho znachodžańnia ŭ balnicy i imaviernaść paŭtornaha zvarotu.
